الفــــــــــن للفـــــــــــــــن.... (أحسن من على سهوة)

أحمد ياصادق...

إنت السبب إنى قاعد أكتب الكلام ده دلوقتى...

وفيه سبب كمان ، مش ضرورى تعرفه...

إنت السبب فى إنى قررت أمشى على منهجك..

الفن للفن..

مش للفلوس..

ولا للشهرة..

ولا لأى بتنجان...

أنا - من وجهة نظرى - عملت اللى عليا..

رحت شركات ، واستوديوهات ، موزعين وملحنين ، مطربين وديجيهات...

والحمد لله...

والشكر لله...

على السراء والضراء..

لفيت كتير ودورت كتير ، اشتغلت هنا شوية وهنا شوية ، وفى كل جينير شوية....

واتعلمت؟؟

طبعاً اتعلمت...

اتعلمت إن" ليس كل ما يتمناه المرء يدركه"...

وحتى مالا يتمناه المرء ، برضه لا يدركه...

اتعلمت ان بلدك دى حلوة وجميلة..

أهلها ناس طيبين "خير أو شر تعمل... شر تلقى"...

وبلد ديمقراطية على الآخر "الشعب يقول اللى هو عايزه ، والحكومة تعمل اللى هي عايزاه"

وعرفت ليه الناس بتحول أى نقاش بسيط لحرب شعواء فى لمح البصر..

عشان مالهمش فى السياسة والفلسفة...

سياسة الافتكاسة..

وفلسفة الممكن...

قررت يا أحمد يا صادق انى أعمل زيك..

هابقى مضحى..

مجنون...

ثائر....

اللى هايقول لى سمعنى بعد كده ، مش هاسمعه ديموهات الإى جى عشان خايف لا يسرقنى..

لأ...

هاسمعه كل الشغل..

جديد وقديم...

حلو أو وحش...

وأقول له: خد فى ودانك.....

عاجبك؟؟

خد تانى فى ودانك...

مش عاجبك؟؟

ياخى أحة فى كيس اسود ، هو مافيش غيرك فى الكون؟؟؟؟

خليها يمكن يسمعها غيرك...

ويمكن يحبها غيرك...

وللا يمكن ينحتها غيرك...

وفى الحالة الأخيرة أنا مش هازعل...

بالعكس..

أنا هابقى حاسس إنى فخور...

وإنت هاتبقى مجرد خروف....

من بكرة شغلى كله هليبقى على منتديات مصر كلها..

كل ألبوماتى..

تكنو مادنيس ، فوودوو ماستر ، جريت بيت ، تكنو أوبرا ، بلاك ستريت ، تكنو إيجيبت ، ريد ثيم ، حتى سيلفر سفينكس....

وكل سينجلاتى و حتى ريمكساتى...

وهاقعد تانى على كافيتيريا صدفة مع ياسر والبلدوزر ، ونقعد نطلع ميت عيب فى تيستو وياهيل وآرمين فان خرة ، وبول فان زفت..

ونعملهم بهايم....

ونعمل نفسنا فنانين...

وكفاية علينا حفلات الهاوس...

وكفاية عليا أنا كمان....

شكراً يا بلد...

شكراً يا بشر..

وشكراً (دى بجد) يا صادق...

عشان بجد صادق....