فى انتظارك.........

اتنين متجوزين من عشرين سنة ..

قرروا يروحوا يصيفوا وينزلوا فى نفس الفندق اللى قضوا فيه شهر العسل زمان..
لكن الزوجة كانت مشغولة فاتفقت مع زوجها على إنه يسافر لوحده و هى تجيله بعد يومين..
وصل الزوج الفندق و دخل الغرفة فوجد كمبيوتر بالغرفة و متوصل بالانترنت ، فقال يبعت ايميل لزوجته يطمئنها فيه على أحواله..

بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان..
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم ..

الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها...

نظر الابن إلى كمبيوتر والدته و قرأ الرسالة التالية:

زوجتى العزيزة ..

وصلت بخير..

و يمكن
تتفاجئى لأنك هاتعرفى أخبارى عن طريق الانترنت لأنه دلوقتى بقى فيه كمبيوتر عندهم...
ويقدر الواحد يبعت أخباره لأهله و أحبابه يوم بيوم ...
أنا بقالى ساعة واصل و تأكدت إنهم جهزوا المكان و كل شىء و مش باقى غير وصولك عندى هنا بعد يومين...
إشتقت لك كتير و مشتاق أشوفك و باتمنى تكون رحلتك سريعة زى رحلتى...
ملحوظة : مش ضرورى تجيبى ملابس كتيرة معاكى لأن هنا الحر شديد قوى قوى....

يعنى جهنم !!!!!!

شكر خاص:

ر.ع - سويسرا